Искуството на човек кој јадел по 30 јајца дневно ги изненадило и експертите
Јајцата со години важат за суперхрана – богати се со протеини, здрави масти, витамини и минерали. Идеални се за појадок, го зајакнуваат имунитетот, помагаат во изградбата на мускули и омилени се меѓу спортистите и поборниците за здрава исхрана. Но што се случува кога јајцата се единственото нешто што го јадете?
Џошуа Алард, 25-годишен младич од Оклахома Сити, одлучил да ги тестира границите на своето тело и да ја шокира јавноста со експеримент. Во период од пет ден не внесувал ништо освен јајца – и тоа по 30 дневно. Тоа се вкупно 150 јајца за пет дена!
Целиот предизвик го документирал и го објавил на својот јутјуб-канал кон средината на јуни, а реакциите на гледачите биле поделени – од фасцинација до загриженост за неговото здравје.
„Преживеав, и тоа без ниту еден суплемент – дури и без витамин Д3, кој обично го земам. И да, ослабев повеќе одошто очекував“, вели тој низ насмевка на крајот од експериментот.
Јајцата ги распределил во пет оброка дневно, по шест парчиња без дополнителни јаглехидрати. Организмот многу бргу му влегол во состојба на кетоза – високо масна исхрана, малку протеини, речиси воопшто шеќер. Иако се трудел да се задржи на 30 јајца дневно, признава дека телото му барало уште храна – можеби поради дефицитот на калории, а можеби и поради тоа што „телото мислело дека се подготвува за зимски сон, како мечка“.
Сепак, тврди дека сонот му бил длабок, телото опуштено, а енергијата му паѓала дури навечер.
„Бев посмирен од вообичаено и визуелно се преполовив“, вели Џошуа.
Поврзани објави
И денес редовно јаде јајца, но секако, во понормални количини.
„Ги обожавам. Содржат сè што му треба на телото – добри масти што ги поддржуваат хормоните, протеини и аминокиселини за мускулите, кожата, косата… Тие се комплетна храна.“
Но, сепак, не му препорачува никому да го испроба овој предизвик без стручен надзор. Вели дека за време на експериментот најмногу го чувствувал недостигот од креатин – соединение од црвено месо и риба што им помага на мускулите и мозокот. Вегетаријанците ги советува да јадат повеќе сладок компир и јагоди.
Докторите велат: Јајца, да, но со мерка!
Нутриционистот и професорот Томас Сандерс од Кралскиот колеџ во Лондон предупредува дека ваквиот режим на исхрана може да има сериозни последици. Според неговите проценки, 30 јајца дневно се околу 2000 калории, 195 грама протеини и 135 грама масти – меѓу кои има доста заситени масти и холестерол.
„Кај повеќето луѓе, холестеролот од храната нема да предизвика сериозни проблеми. Но кај оние со генетски предиспозиции може значително да им се покачи нивото на лошиот ЛДЛ холестерол“, објаснува тој.
А токму покачениот ЛДЛ е еден од главните фактори за ризик од болести на срцето, инфаркт и мозочен удар.
ФОТО: Јутјуб
