Истражувањата покажаа дека луѓето гледаат во одредени делови од лицето и телото на оние што навистина им се допаѓаат.
Истражувачите од клиниката Мајо во Минесота регрутирале 154 возрасни лица да учествуваат во студијата. Тие користеа технологија за следење очи, за да следат кои делови од фотографијата ги гледаат луѓето, а потоа побараа од нив да оценат колку им е привлечно лицето на сликата.
Резултатите покажаа дека луѓето подолго гледаат во одредени делови од лицето на оние фотографии кои ги оцениле како привлечни.
Тие најмногу гледаа во устата, носот и образите – област позната како „централен триаголник“. Тие, исто така, повеќе гледале на косата и устата.
Од друга страна, зголеменото внимание фокусирано на челото и вратот беше поврзано со пониски оценки за привлечност.
Понатамошната анализа покажа дека меѓу машките учесници кои ги оценувале женските лица, најсилен показател за високата оценка за привлечност е продолжениот поглед во устата. Ова се усогласува со претходните истражувања кои сугерираат дека мажите често обрнуваат внимание на особините поврзани со плодноста и младоста.
Жените, пак, почесто гледале во очите и косата на мажите кога им биле привлечни.
Студијата, објавена во списанието „The Laryngoscope“, научно објасни дека мажите интензивно гледаат во устата на жените кои ги сметаат за привлечни.
Жените, од друга страна, интензивно гледаат во очите и косата на мажите кои им се допаѓаат, пишува Дејли Мејл.
