Table of Contents
Што е актуелно меѓу beauty-трендовите ова лето? Ги анализираме изгледите од светските Недели на модата кои ги дефинираат новите насоки и издвојуваме херој-производи за секој тренд.
Ајлајнерот во фокус
Едноставен, но моќен акцент – ајлајнерот останува клучен елемент на пролетните мејкап-изгледи. На ревијата на Dolce & Gabbana на Миланската недела на модата за пролет/лето 2026, очите се во прв план, со прецизна линија што го дефинира целиот изглед.
Силниот акцент на очите е доволен сам по себе, без дополнителни драматични елементи.
Сенка што ги врамува очите
Овој тренд носи мека, но јасно дефинирана структура околу погледот. На ревијата на Carolina Herrera на Њујоршката недела на модата, очите се нагласени со сенки кои создаваат ефект на „рамка“.
Идејата е едноставна: очите стануваат центар на целото лице, но на суптилен, нослив начин.
Црвениот кармин како изјава
Кога усните се во фокус, остатокот од изгледот останува минимален. На бекстејџот на ревијата на Yanina Couture на Париската недела на модата за пролет/лето 2026, доминира црвениот кармин во комбинација со лесно руменило и дискретно нагласени очи.
Овој тренд носи класична, но силна естетика – кармин што не бара дополнителни објаснувања.
Румени образи и нагласени усни
Поврзани објави
Свежината на кожата и јасно дефинираните усни создаваат балансиран и елегантен изглед. На ревијата на Tamara Ralph, овој стил се издвојува како добитна комбинација за блескав, женствен ефект.
Фокусот е на хармонија: природна свежина на образите и прецизно нагласени усни.
„No makeup“ со суптилен драмски ефект
Природниот изглед продолжува да доминира, но со мали, внимателно поставени акценти – трепки, текстура и деликатни детали што додаваат карактер. На ревијата на Said Kobaysi во рамки на Париската недела на модата, овој пристап носи минимализам со моден став.
Идејата е кожа што изгледа речиси недопирливо природно, но сепак уредено и дефинирано.
Моливот како клучен алат
Класичниот молив за очи се враќа како основен елемент за дефинирање на погледот. На ревијата на Said Kobaysi во Лондон, се истакнува елегантен, прецизен изглед што се постигнува токму со оваа едноставна алатка.
„Гола кожа“ со прајмер, пудра и хајлајтер
Целосниот „no makeup“ ефект бара беспрекорна подготовка на кожата. На ревијата на Aje во Париз, фокусот е на свеж, сјаен тен кој изгледа природно, но совршено уредено.
Клучот е во балансирана комбинација на покривност и светлосен сјај што ја нагласува природната убавина.
Подготвила: Јелена Белимарковиќ
