Во едниот комплет била како девојче, а во фустанот на отворањето изгледала постаро и грубо
На 78. издание на Филмскиот фестивал во Кан се појавиле бројни познати личности. Меѓу нив била и Оскаровката Хале Бери, која оваа година учествува како членка на жири. Интересно е што таа била принудена да се откаже од драматичните креации на индискиот дизајнер Гаурава Гупте.
Имено, таа морала да се откаже од фустаните поради новите правила на фестивалот околу облеката, кои забрануваат голотија и претерано раскошни тоалети на црвениот килим.
„Имав неверојатен фустан од Гаурава Гупте за вечерва, но не можев да го облечам бидејќи шлепот беше преголем. Морав да сменам. А што се однесува до забраната за голотија – мислам дека тоа веројатно е исто така добра одлука“, изјавила Хале Бери на официјалната конференција за медиумите.
Така, таа се одлучила за фустан со висок околувратник, во црно-бела варијанта, што го потпишува францускиот бренд Jacquemus, имал единствен детаљ во вид на набори на грбот. Хале го надополнила стајлингот со потпетици со отворени прсти, додека кафената коса ја стилизирала со природни бранови. Целиот изглед го стилизирала на едноставен начин, со минималистички накит, а го надополнила со црна чантичка.
Меѓутоа, овој избор на стајлинг на социјалните мрежи покренал лавина коментари, па можеше да се прочитаат замерки дека можела да облече што било друго и дека таа е толку влијателна што би можела да го замоли секој дизајнер да ѝ испрати многу подобра модна комбинација за толку престижен настан.
Поврзани објави
Исто така, луѓето потенцираат дека Хале воопшто не била женствена во ова издание и дека изгледала постаро, што никогаш претходно не се кажало за оваа холивудска дива. Напротив, сите ѝ се воодушевуваат поради младешкиот изглед што го одржува без никакви инвазивни третмани. Но изборот на гардероба овој пат на многумина не им се допаднал.
Од друга страна, имало и такви што ѝ честитале поради храброста и елегантниот шарм, како и поради фактот што не им обрнува внимание на туѓите коментари. Имало и модни критичари што го пофалиле нејзиниот комплетен изглед.
На истиот ден, на конференцијата за медиумите, таа се појавила во класичен костим на „Шанел“, кој ѝ стоел совршено, а во прв план биле нејзините извајани нозе.
Додека им позирала на присутните фоторепортери, таа изгледала како девојче и не ја симнувала насмевката од лицето.
ФОТО: Инстаграм
