Посетата на американската делегација на нашата земја е странско мешање – МАКТЕЛ

Премиерот на Гренланд Муте Егеде најавената посетата на американската делегација ја нарече странско мешање. Уша Венс, сопругата на американскиот потпретседател Џеј Ди Венс, в четврток ќе го посети Гренланд со својот син и со американска делегација, во која, како што потврди Егеде, ќе биде и американскиот советник за национална безбедност Мајк Волц, пренесува „ Гардијан“.

Егеде рече дека посетата на американската делегација не може да се смета само за приватна. Данската полиција распореди дополнителен број полицајци и кучиња-трагачи на Гренланд пред посетата на американската втора дама, Уша Венс.