Не сите совети за чистење што ги гледате на Интернет се безбедни и ефикасни. Понекогаш, популарните „трикови“ може да предизвикаат повеќе штета отколку корист. Затоа, секогаш бидете внимателни при изборот на методи и хемикалии што ги користите во вашиот дом.
Во денешниот свет полн со совети за чистење на Интернет, некои „трикови“ се издвојуваат како најлоши, а некои се дури и опасни. Бидете внимателни и прескокнете ги овие популарни, но штетни препораки, советуваат корисниците на Интернет.
Совети за чистење и мали домашни трикови за отстранување дамки, нечистотија, па дури и дефекти, се некои од најпопуларните содржини кои циркулираат на Интернет, а посебно на ТикТок. Луѓето се обидуваат да најдат брзи и ефикасни решенија, но не секој совет е добар или безбеден.
Популарниот портал Apartment Therapy истакнал 10 најлоши совети за чистење кои не се само неефикасни, туку и потенцијално опасни по здравјето. Некои од примерите што се наведени се вистински алармантни и не треба да се применуваат.
1. Користење белило (избелувач)
Еден од најопасните совети е употребата на чисто, неразредено белило за дезинфекција и отстранување мириси од кантите за отпад.
Не само што ова е неверојатно силна хемикалија, туку не треба да се меша со ништо друго“, истакнал еден корисник. Освен тоа, оставањето на белилото на површините може да ги оштети материјалите, а користењето нема да резултира со врвни дезинфекциски ефекти.
2. Мешање различни детергенти
Популарниот тикток-тренд познат како #toiletoverload, каде што се мешаат различни средства за чистење и се ставаат во WC-школката за „подлабоко чистење“, е опасен и не треба да се практикува. Мешањето хемиски средства може да доведе до создавање опасни хлорамини, кои се штетни за здравјето.
3. Користење оцет за сè
Оцетот често се рекламира како одлично средство за чистење, но во реалноста не е погоден за многу површини. На пример, оцетот не е добар за чистење работни површини од природен камен или подови од тврдо дрво. Поради својот кисел карактер, оцетот може да ги оштети овие материјали и нема голема ефикасност при отстранување на маснотии или масла.
4. Прекумерна употреба на детергенти за перење алишта
Поврзани објави
Ми оди на живци кога гледам како луѓето користат премногу детергент за перење алишта, мислејќи дека така ќе ги направат почисти и ќе мирисаат подобро“, коментира една корисничка.
Преголемата количина детергент може да доведе до наталожување на вишок детергент на алиштата и во машината за перење, што може да предизвика проблеми и да ја намали ефикасноста на перењето.
5. Избегнување ракавици
Често гледаме видеа на кои луѓето чистат без ракавици, што може да биде штетно за кожата. Ракавиците се задолжителни за заштита од силните хемикалии, како што е белило. Освен тоа, тие овозможуваат да користите топла вода за поефикасно чистење, посебно кога рачно миете садови.
6. Мешање сода бикарбона и оцет
Многу блогови и водичи за чистење препорачуваат мешање сода бикарбона и оцет за чистење на различни површини, но ова не е препорачливо. Кога овие две супстанции се комбинираат, нивниот ефект на чистење се неутрализира поради различната pH-вредност, што ги прави неефективни за чистење.
Иако пенењето што се случува при оваа реакција може да помогне при чистење на одводите и тешко достапните места, оваа техника не е толку моќна како што се мисли.
Фото: Pexels, Getty Images
