Хранлив, здрав и вкусен предлог за вечера, па засукајте ги ракавите!
Доколку ви се допаѓа вкусот на печивата од интегрално брашно, еве еден предлог за вас. Направете домашна пица со интегрално тесто. Можете да изберете грахам или ‘рж.
Толку е едноставно што нема да мора да го месите. Доволно е тестото да се свари во еден сад со помош на лажица.
Во сад истурете шолја вода, половина кесичка квасец и малку шеќер и оставете да го нарасне. По десет минути, додајте една кафена лажичка сол и додавајте интегрално брашно додека добиете вистинско парче тесто, постојано мешајќи со лажица. На крајот, тестото се вала во малку брашно и се остава да одмори.
По половина час, префрлете го во плех и со раце обликувајте тркалезна форма. Ќе видите, нема да ви претставува никаков проблем.
Потоа, намачкајте го тестото со кечап или сос од домати по избор. Веднаш поделете го на 8 дела со што по печењето многу ќе ви се олесни работата. Парчињата ќе се залепат за време на печењето, но ќе биде многу лесно да се одделат и нема да морате да ја сечете пицата додека е топла.
Поврзани објави
Потоа филувајте по вкус. За филот користевме домашна колбасица, чадена сланина и суво месо кое ситно го исечкавме, а потоа ја филувавме пицата.
На крајот, додајте малку изрендан кашкавал и ситно сечкан виолетов кромид за да го комплетирате вкусот.
Ние додадовме и малку свежа, зелена лута пиперка, а не мора да правите ништо од горенаведеното, туку филувајте ја по свој вкус.
Се пече 25 минути во рерна загреана на 200 степени.
Добар апетит!
Фото: Pexels/Cats Coming
