Оваа пензионерка, која има 85 години, открила како може да се биде среќен и во староста
Среќното стареење значи да се живее исполнето, активно и весело, без оглед на годините.
85-годишната пензионерка Пики (така ја викале во средно училиште), сè уште живее со полни гради, а во продолжение ви ја пренесуваме нејзината приказна:
„Работев цели 40 години, и тоа исклучиво во банки. Ја обожавав мојата работа и кога би можела, би работела и денес. Иако сум во пензија, редовно читам вести за банки, нови прописи и за актуелните случувања во тој сектор. Се чувствувам поврзано со тој свет и ме расположува тоа кога следам како се развиваат работите.
Поврзани објави
Пред неколку години се приклучив во драмска работилница за сениори и можам да кажам дека неизмерно уживам во тоа. Најстара сум во групата, но горда сум што сè уште можам да го правам сето тоа што го прават и помладите од мене. Признавам, не ми е секогаш лесно да го запомнам текстот, но со упорност успевам да ги совладам сите препреки. Глумата ме исполнува, а уживам и во пријателствата што ги стекнав преку работилницата. Тоа стана важен сегмент од мојот живот, што ми дава енергија и чувство на припадност.
Живеам сама и понекогаш ме обземаат емоции, бидејќи моите најмили се распрскани низ целиот свет. Сепак, секој ден добивам порака или срце на мобилниот и тоа ми носи радост. Тоа се ситници што ми покажуваат дека мислат на мене, и тоа ми дава чувство на спокој. Најважно ми е сите што ги сакам да бидат здрави и да имаат свои животи, исполнети со работа и задоволство. Моето срце е мирно кога знам дека тие се добро, а тоа ми дава дополнителна сила да продолжам да живеам со насмевка.
Пред 15 години се запишав на листа на чекање за старечки дом, но сè уште мислам дека не ми е време да одам таму. Наскоро ќе наполнам 85 години и живеам во голем град кој дава низа можности. Староста е убава ако знаеш да живееш и да ја цениш. Секој ден носи нови предизвици и можности за развој, и се трудам максимално да ги искористам. На крајот од оваа исповед ќе се потпишам Пики, бидејќи тоа беше мојот прекар во средно училиште“, напишала оваа инспиративна пензионерка.
ФОТО: Skiathos Greece / Unsplash
