Одлуката да ги донираат парите од продажбата на стан ја донело семејството Јотови откако ја изгубиле ќерката за време на пандемијата на Ковид, објави Бгнес.
„Што можеме да правиме со толку пари. Решивме откако ќе ги добиеме, да ги донираме во добротворни цели“, објасни 96-годишната Керка Јотова.
Старицата го изгубила и сопругот, но тоа не ја спречува нивната мисија. Со парите на семејството, поранешниот сектор за ковид во болницата во Димитровград е претворен во ново детско одделение. Доктор од болница сподели: „Тоа се луѓе кои немаат други пари, но решиле да ги дадат во болница за да имаме ново детско одделение“.
Жената денес живее скромно, но не се жали и верува дека нејзиниот пример ќе биде заразен. „Луѓето кои имаат повеќе, нека помогнат“, повика таа.
