Постојат различни видови на љубов: љубов на прв поглед, платонска љубов, семејна љубов, романтична љубов, па дури и романтична привлечност за некои луѓе може да се смета за облик на љубов. Како да знаете дали навистина сакате некого или сте само заљубени?
Потсетете се на овие разлики доколку се најдете во ситуација да ги преиспитувате своите чувства.
Секс и интимност
За некои, заљубувањето може да резултира во врска во која сексот е главен приоритет. Иако е нормално сексуалната интимност донекаде да се намалува како што расте врската, за оние на кои им е приоритет сексот може да дојде до распаѓање на врската.
Сакањето некого има тенденција да има силно чувство на интимност заедно со сексуалниот аспект на врската. Наместо едноставно да ги следите сексуалните нагони, љубовта носи повеќе од несексуалните аспекти на интимноста.
Конкуренција наспроти поддршка
Кога сте заљубени може да почувствувате конкуренција со партнерот. Ако имаат високи достигнувања, убав изглед или имаат други пожелни атрибути, се случува да се споредувате со нив и да се запрашате дали сте еднакво ниво. Но кога вистински сакате ги прифаќате сите несовршености и се комплетирате еден со друг.
Како што напредува врската, сѐ помалку се фокусирате на тоа дали сте во нивната „лига“.
Страст или стабилност
Поврзани објави
Заљубувањето често ја претставува фазата на меден месец, која се карактеризира со намален сон и апетит, опсесивни мисли и розови очила. Како што почнува да напредува љубовната фаза, овие чувства исчезнуваат. Понекогаш чувството на стабилност може да се поврзе со досада, но тука е главниот тест за тоа колкава е љубовта.
Разбирање и прифаќање на разликите
Кога сме заљубени вообичаено е да сакаме да ги скриеме нашите несовршености во овој период или дури и да се промениме себеси за да ги задоволиме потребите или очекувањата на личноста.
Меѓутоа, кога сакаме некого, помала е веројатноста да сакаме да се промениме заради него. Постои удобност во стабилноста што доаѓа од оваа фаза на врската.
Паника наспроти разбирање за време на несогласувања
За време на фазата на заљубување, расправијата може да се чувствува катастрофално. Вообичаено е да се запрашате дали врската ќе заврши или дали личноста не е соодветна за вас. Меѓутоа, кога сакате вистински, несогласувањето може да биде многу помалку поразително, па дури може да биде можност за раст и подлабоко разбирање еден со друг.
Често во односите се случува страста да се намали, а личностите почнуваат да се запрашуваат дали исчезнала љубовта. Пред да ги измешате овие чувства размислете за вистинските вредности кои произлегуваат од односите и не брзајте со одлуките.
Иако ни се чини дека можеби веќе не сме заљубени, тоа може да е позитивен знак дека љубовта добила нова димензија.
Фото: Freepik.com
