Инфлуенсерката Фарах Ел Кади (36) почина на Малта, најверојатно како последица на срцев удар. Нејзиното тело било пронајдено на јахта, а само неколку часа пред тоа објавила слики на социјалните мрежи.
Локалните медиуми јавуваат дека немала траги од повреди на телото и дека пристигнала на Малта за да ужива во неколкудневен одмор.
Се наведува и дека ќе биде извршена обдукција и дека ќе биде покрената судска истрага за да се утврди точната причина за смртта.
Инфлуенсерката, Сулаима Хнеинија, која живее на Малта, ја познавала Фарах Ел Кади и вели дека таа била прекрасна личност.
Таа беше позната по својата љубезност, дарежливост и топлина. Нејзиниот позитивен дух ги допре сите кои ја имаа привилегијата да ја познаваат”, рече таа.
Фара ги користеше социјалните мрежи за да го промовира својот моден бренд, а сега нејзините следбеници се збогуваат со неа.
Не ми се верува. Ми недостигаш“, „Ангеле, патувај“. „Ова многу ме погоди. Почивај во мир“, напишале тие.
Фото: Инстаграм
