Венсан Касел пристигна во Кан со својата трета сопруга Нара Баптиста, но нивниот страстен бакнеж на црвениот килим предизвика поделени мислења
Венсан Касел допатува во Кан поради премиерата на филмот Parallel Stories, во кој игра една од главните улоги. На прочуениот француски актер друштво на црвениот тепих му правеше партнерката Нара Баптиста.
Во филмот, Касел игра заедно со легендарните француски актерки Изабел Хупер и Кетрин Денев, кои исто така се појавија на црвениот тепих во Кан.
Венсан Касел (59), кој во ноември ќе наполни 60 години, е познат по својот добар стил на облекување. Тој дефинитивно не припаѓа на актерите што не се грижат за модниот имиџ, а трендовите ги следи подеднакво активно како и неговата партнерка Нара Баптиста (30).
За оваа пригода во Кан носеше смокинг со свилени ревери, додека Нара избра кадифена тоалета што ја истакнува линијата на телото. И овој пат нивните модни изданија беа усогласени, што е вообичаено за нив.
Но добриот стил падна во втор план кога славниот пар почна да се бакнува на црвениот тепих на Канскиот фестивал. Сцените на страст целосно ја засенија модата и ги привлекоа погледите на љубопитните набљудувачи.
„Вака изгледа кога натапиран старец ќе фати 30 години помлада“, беа дел од коментарите на луѓето кои не можат да му простат на Касел што освоил млада манекенка.
Поврзани објави
Нивната врска, која трае од крајот на 2023 година, постојано е проследена со негативни коментари поради големата разлика во години меѓу нив. Реакциите одат дотаму што Венсан го нарекуваат дедо, а младата Нара — негова внука.
Сепак, таквите забелешки веројатно не им пречат премногу, барем не доволно за да потклекнат под критиките и да се посомневаат во својата љубов.
Слични приказни кружеа и додека Касел беше во брак со познатата бразилска манекенка Тина Кунаки, со која се ожени во 2018 година. Разводот следуваше само неколку месеци пред јавноста да дознае за неговата врска со Нара Баптиста.
Венсан Касел од бракот со Тина Кунаки ја има ќерката Амазони, додека љубовта со Нара на почетокот на 2025 година му го донесе и синот Каетан.
Да се потсетиме, славниот Французин од 1999 до 2013 година беше во брак со прочуената италијанска актерка Моника Белучи, со која ги доби ќерките Леони и Дева Касел, која вчера се појави на ревијата на Dior во Лос Анџелес.
ФОТО: ИНСТАГРАМ
