Исповед на жена која не може веќе да го поднесе својот сопруг поради неговите навики во кревет
Сите имаме навики што ги излудуваат нашите сакани. Можеби никогаш не ви текнува да го исклучите светлото кога излегувате од соба или ви се случува да натрупате еден куп работи на столче, без да ги соберете за прифатливо време. За среќа, тие мани не се сериозни и не влијаат врз врската во принцип, но исповедта на оваа жена нè потсети дека работите можат да отидат многу далеку.
Таа објаснила дека иако многу го сака својот сопруг, постои едно нешто што тој секогаш го прави во кревет, од кое ѝ се превртува во стомакот – дури и размислувала да го прекине нивниот брак поради тоа.
Во објава на Mumsnet, оваа жена открила дека нејзиниот сопруг има лоша навика да се врати дома од работа и да легне во кревет без да се преслече претходно, со што веднаш ги валка чаршавот и креветот.
Што е уште потрагично, човекот работи како готвач, поради што често е извалкан со дамки од храна и маснотии, кои потоа се пренесуваат и на новите, штотуку сменети чаршави. Жената рекла дека таа и сопругот постојано се расправаат околу овој проблем и дека тоа неколку пати го ставило нивниот брак на тест.
Еве што напишала:
„Вечерва, по долгиот ден на работа, мојот сопруг одлучи да легне во кревет, на постелнина што вчера ја исправ, во неговата работна облека. За да биде уште полошо, тој е готвач и речиси секој ден се расправаме за ова. Дали сум неразумна што размислувам да се разведам со него поради ова? Покрај ова, тој е добар сопруг, но има пораснато во многу валкан дом.“
Поврзани објави
И покрај коментарите дека нејзината објава е преувеличена и дека веројатно нема да се разведе од својот сопруг поради неговите навики во кревет, некои коментаторите брзо изјавиле дека не би поднесувале нешто толку одвратно.
Еден напишал:
„Ова би било неприфатливо за мене. Можете ли да му кажете дека треба да се избања или истушира, а потоа да облече чиста пижама? И јас се изморив вчера, но ја сменив облеката!“
Друг додал:
„Тој е одвратен испотен вол. Имате ли слободна соба? Преместете го во неа додека научи како да се однесува. Верувајте ми дека ќе ви успее.“
А трет објавил:
„Ова не е шега! Апсолутно разведи се од него поради таквото одвратно однесување. Во најмала рака, заклучи ја твојата спална соба и не пуштај го внатре додека се истушира по работа. Ова е ужасно! Фрли го во море!“
