Претседателот Африм Гаши и Даниел Браун, официјален претставник на Фондацијата „Конрад Аденауер“ во Скопје разменија мислења за политичките процеси во земјава и во регионот и за чекорите во однос на евроинтеграцијата, на денешната средба во Собранието на Република Северна Македонија.На средбата присуствуваше и генералната секретарка на Собранието, Марина Димовска.Заблагодарувајќи се за досегашното учество и придонес на Фондацијата „Конрад Аденауер“ во зајакнувањето на демократските процеси во нашето општество, претседателот Гаши изрази интерес за продлабочување на соработката и со конкретни проекти во законодавниот дом.
Соговорниците разговараа и за можните чекори за зајакнување на транспарентноста на Собранието и за неговата отвореност кoн граѓаните. Се осврнаа и на можностите за засилување на улогата на законодавната власт во процесите што водат кон полноправно членство на земјата во Европската Унија. На средбата се разговараше и за соработката на Собранието на Република Северна Македонија со германскиот Бундестаг.
