Објавите на Шакира на социјалните мрежи секогаш се под лупа, особено по раскинувањето со поранешниот фудбалер Жерар Пике. Месеци откако ги полнеше насловните страници поради драматичната разделба од фудбалерот, изгледа дека колумбиската пејачка повторно си ја пронајде љубовтa.
Или барем така шпекулираат некои нејзини обожаватели откако слушнале фрагмент од нејзината нова песна „Nassau“, која е дел од нејзиниот нов албум „Las mujeres ya no lloran“ или „Жените веќе не плачат“.
Поврзани објави
Текстот објавен на нејзините социјални мрежи сугерира можна нова врска на Шакира: „Ветив дека никогаш повеќе нема да сакам, ти се појави да ги залечиш раните што ги остави тој. Го заклучив срцето со клучеви и катанец, но што да правам кога премногу ми се допаѓаш“.
Но, сепак ќе треба да почекаме до 22 март за повеќе детали, а нејзиниот нов албум треба да биде објавен токму на тој датум.
Приемот на следниот албум на Шакира, „Las mujeres ya no lloran“, засега изгледа многу позитивно. Нејзината порака на Инстаграм собра, за нешто повеќе од 14 часа од нејзиното објавување, повеќе од два милиони лајкови и илјадници коментари.
