Table of Contents
Експерт открива 5 сигурни знаци дека вашето куче ве сака
Д-р Ема Скејлс-Теобалд, бихевиористка за кучиња, објаснила по кои сигнали можеме да препознаеме дека кучето издвоило некоја личност и ја доживува како „своја“.
Кучињата не зборуваат со зборови, но нивниот говор на телото е многу јасен за оној што знае да го чита. Ако обрнете внимание на однесувањето на миленикот, лесно ќе забележите дали ве доживува како посебна личност во својот живот.
Близината како најголем знак на љубов
Според зборовите на експертката, растојанието помеѓу кучето и човекот многу зборува за нивото на приврзаност.
Некои кучиња ја покажуваат љубовта така што ви се качуваат во скут, додека други се задоволуваат со тоа да лежат покрај „својот“ човек. Бидејќи животните се најранливи додека спијат, фактот што кучето избира да се одмора покрај вас значи дека се чувствува безбедно и опуштено во ваше присуство.
Кога кучето постојано се гали и се прилепува до некоја личност, всушност, бара блискост и сигурност. Тоа е јасен знак дека таа личност му е емоционално важна.
„Куче-лепенка“ – кога ви го следи секој чекор
Еден од најпрепознатливите сигнали на поврзаност е кога кучето постојано ве следи од просторија во просторија. Ова однесување во стручната литература се нарекува „синдром на куче-лепенка“ и значи дека кучето ве гледа како дел од своjата глутница и сака да биде таму каде што сте вие.
Покана за игра и радост поради вашето присуство
Ако кучето ги спушти предните шепи, го подигне задниот дел од телото и мафта со опашката – тоа е таканаречениот „игрив наклон“. Со овој гест покажува возбуда и ве повикува на игра. Тоа е чиста радост поради вашето присуство.
Како кучето покажува дека посебно ве сака
Поврзани објави
Експертите истакнуваат дека кучињата своите омилени луѓе често ги поздравуваат со скокање. Тоа е нивен начин да се приближат до лицето и да воспостават контакт. Кај поголемите кучиња тоа може да биде непријатно, но мотивот зад таквото однесување секогаш е позитивен.
Кучињата исто така го лижат „својот“ човек како знак на наклонетост. Со лижењето кај кучето се ослободуваат допамин и ендорфин – хормони на задоволство и среќа. Сепак, ако кучето изгледа напнато или потиштено додека го прави тоа, лижењето може да укажува и на стрес или непријатност.
Знаци на доверба и длабока поврзаност
Ако кучето пред вас:
- лежи на грб и го открива стомакот
- ви ги носи своите играчки
- бара галење така што се турка до вашата рака или нога
… тоа значи дека ви верува и ве смета за важен дел од својот свет. Носењето играчка е особено значајно – кучето ви дава нешто што му е вредно и ве повикува на заедничка интеракција.
Говорот на телото за време на галењето
Галењето го поттикнува лачењето на окситоцин – таканаречениот „хормон на љубовта“ – и кај кучето и кај човекот. Ако кучето за време на галењето има опуштено тело, меки очи и мафта со опашката, тоа значи дека ужива.
Ако телото му е вкочането, а опашката подвиткана, тогаш кучето не бара внимание, туку покажува страв, несигурност или покорност.
Кога кучето ја бара вашата близина
Куче што ве доживува како „свој човек“ често само ќе иницира контакт – ќе се трие од вашата рака, ќе се потпира на вас или ќе ви ја става главата во скут. Тоа е неговиот начин да ви каже: „Тука ми е добро.“
