Table of Contents
Бојан Јовановски, познат како Боки 13, во ново подкаст-интервју во Србија отворено зборуваше за својот приватен живот, љубовните искуства, предрасудите со кои се соочувал, но и за односот со неговите родители.
Тој откри дека планира да сними уште еден филм за својот живот, бидејќи, како што вели, приказната за неговите искуства е многу покомплексна од она што досега било прикажано.
„Ако проговорам за љубовниот живот, ќе има многу разводи“
Боки не сакал детално да зборува за својот љубовен и сексуален живот, бидејќи смета дека тоа може да биде дел од неговиот иден филм.
На директното прашање дали некогаш спиел со жена, тој одговорил:
„Имам доста искуство. Не сакав многу да зборувам за тоа, бидејќи сакам да наплатам сè. Ако почнам да раскажувам како навистина се одвивале работите, ќе се случат многу разводи. Не можете ни да замислите.“
Тој додал дека е задоволен од својот љубовен живот и дека има големо искуство, но никогаш јавно не се декларирал ниту како геј, ниту како стрејт.
„Кога би кажал како сè навистина се одвивало, сите би биле збунети“, рекол Боки.
„Кога ќе соблечам сè од себе, јас сум обичен човек“
Говорејќи за огромниот број критики и навреди со кои се соочувал низ годините, Боки вели дека одамна научил да живее со притисокот од јавноста.
„Преживеав булинг, бев предмет на исмевање и јавно понижување. Луѓе кои никој ништо не ги прашал си дозволуваа да коментираат за мене и да носат судови.“
Тој додава дека зад јавната личност постои сосема поинаков човек.
„Кога ќе соблечам сè од себе, јас сум еден нормален човек, кого дури и не го интересира ништо од тоа. Додека ме исмеваа, јас тоа добро го наплаќав.“
Поврзани објави
Мајка му била најголемата поддршка
Боки со посебни емоции зборувал за мајка му, која, според него, секогаш го прифаќала без осуда.
„Мајка ми отсекогаш ми била најголема поддршка. Никогаш не ми поставила ниту едно прашање со кое би можела да ме доведе во непријатна ситуација. Затоа јас никогаш не сум ја лажел.“
Односот со татко му, вели, бил поинаков.
„Се плашев од реакцијата на татко ми“
Боки откри дека во младоста понекогаш бил принуден да го лаже татко му затоа што се плашел од неговата реакција.
„Се плашев од реакцијата на татко ми. Бев жртва на психичко малтретирање во тој период. Времето помина, денес имам добар однос и со него, но последиците од тоа време остануваат.“
Тој смета дека родителите треба да ги прифатат своите деца онакви какви што се.
„Замислете, имате единец и замислувате дека ќе биде спортист за пример, а тој ќе излезе ваква естрадна будала како мене“, рекол Боки низ смеа, но и со доза горчина.
Потоа додава:
„Јас велам – вие ме направивте ваков каков што сум, мора да ме прифатите. Сега сум суверен и ќе живеам онака како што мислам дека треба.“
Боки вели дека денес е во подобар однос со двајцата родители, но искуствата од детството, како што признава, оставиле трага врз него.
