Руските специјалци упаднаа во канцеларијата на Пригожин: Неофицијално пронајдена е астрономска сума пари

Оперативните служби го завршија пребројувањето на парите во канцелариските кутии пронајдени во дворот на хотелот Трецини, за кој се верува дека е канцеларијата на Евгениј Пригожин, пренесува Фонтанка.

Според дописникот на Фонтанка, конечниот износ бил астрономски – 4 милијарди рубли. Од каде парите, кому му припаѓаат и за што биле наменети, засега има само шпекулации.

Претходно беше објавено дека при претрес на хотелот Трецини, за кој се верува дека е канцеларијата на Евгениј Пригожин, службите биле заинтересирани и влеле во објектот во потрага по експлозив, но нашле огромна сума пари.

.