Руски беспилотни летала погодија повеќе цели во Харков, вториот најнаселен град во Украина, при што загина едно лице, а повредени се најмалку девет. Олех Синехубов, гувернер на регионот Харков, изјави дека едно лице загинало, а десет се повредени. Градоначалникот Ихор Терехов од своја страна изјави дека биле погодени шест цели во градот и дека девет лица се повредени, од кои едно е хоспитализирано во тешка состојба. Во исто време, во објава, Володимир Зеленски се осврна на ескалацијата на руските напади синоќа.„Само минатата ноќ Русија лансираше 172 нападни беспилотни летала – од кои повеќе од 100 беа Шахед. „Овие видови масовни напади станаа речиси секојдневен феномен“, рече тој. „Нашите партнери мора јасно да разберат: овие напади не се само против украинските граѓани. Ова се удари против секој меѓународен напор, против самата дипломатија што се обидуваме да ја искористиме за да ставиме крај на оваа војна“, нагласи тој, додавајќи дека „Русија ги напаѓа позициите на сите оние кои сакаат оваа војна да заврши“
„Очекуваме одговор. Ние работиме за тоа. Потребен е силен одговор – од САД, од Европа, од секоја сила во светот што инвестирала во дипломатијата“. Според него, мирот нема да дојде без притисок: „Русија мора да биде принудена на мир – само притисокот носи резултати, рече Зеленски. Тој исто така, го отвори прашањето за предлогот на САД за безусловен прекин на огнот, кој, како што вели, е на маса долго време, без никаков суштински одговор од Москва. Зеленски ја затвори својата порака со благодарност до партнерите кои ја препознаваат потребата за акција и промовираат одлуки, како што е воведувањето нови санкции.
Last night alone, Russia launched 172 strike drones — over 100 of them were Shaheds. These massive drone attacks have now become a near-daily reality. On top of that, there are continued missile threats, including ballistic ones.
Our partners should clearly understand: these… pic.twitter.com/UNaYVDfZHj
— Volodymyr Zelenskyy / Володимир Зеленський (@ZelenskyyUa) March 29, 2025
