Кајли Џенер го прослави својот 29. роденден во стилот на принцезата Хело Кити, а за таа пригода сите гости го почитуваа кодексот на облекување – розова боја
Ако мислите дека роденденот на Кајли Џенер се свел само на торта и свеќички, сериозно се лажете. Сите знаат дека кланот Кардашијан-Џенер не прави ништо половично – кога се слави роденден, тоа се прави со стил. А најмладата членка на семејството верно ја следи оваа традиција.
Манекенката и инфлуенсерка го претвори својот 29. роденден во вистински розов фестивал кој гостите долго ќе го паметат. Иако официјално роденденот ѝ е на 10 август, Кајли рано ја започна прославата со забава на тема „Принцезата Кити“ во својата вила во Беверли Хилс.
Кајли на забавата ѝ пристапла со целосна посветеност. Таа носела тесен мини-фустан од неонски розов латекс со длабоко деколте и тенки прерамки кои совршено ја истакнувале нејзината препознатлива фигура. Изгледот го надополнила со впечатлива розова пердувеста марама, круна и бели чевли со ниски потпетици и розов украс.
Познати гости и розов дрескод
Прославата била добро посетена, а членовите на семејството Кардашијан-Џенер биле речиси во полн состав. Кајли се фотографирала со своите сестри Ким, Клои и Кендал. Единствено нејзината постара сестра Кортни не присуствувала.
Меѓу блиските пријателки на Кајли биле и Хејли Бибер, Девон Ли Карлсон и Викторија Виљароел. Присутен бил и сопругот на Хејли, Џастин Бибер. Не е познато дали на прославата било и момчето на Кајли, Тимоти Шаламе – можно е едноставно да побегнал од камерите или да бил зафатен со снимање.
Гостите доследно го почитувале дрескодот, па розовата боја доминирала на целата прослава.
Хејли Бибер, за разлика од славеничката, избрала посуптилна, но еднакво впечатлива комбинација: светлорозов топ со светки, кремасти капри-панталони и сандали со потпетици. Розовата пердувеста марама и дијадемата со вештачки кристали дополнително го збогатиле нејзиниот изглед.
Ким Кардашијан се држела до препознатливиот стил и ги истакнала своите облини, но овојпат не избрала тесен латекс. Наместо тоа, ТВ-ѕвездата се одлучила за комбинација инспирирана од ликот на Ел Вудс од филмот „Легално русокоса“ – бебешкорозова тренерка со краток дуксер и розов костим за капење кој ѕиркач одоздола.
Поврзани објави
Клои се одлучила за поженствен и поотворен изглед – розов фустан од тантела со волани и проѕирни панели кои дополнително ја истакнувале нејзината фигура.
Кендал, пак, избрала минималистички, но модерен изглед: едноставна розова маица без ракави со кружно деколте, црни панталони со низок струк и соодветни балетанки.
Три торти за големата прослава
Еден од највпечатливите моменти на вечерта, покрај самите гости, беле трите роденденски торти што ги изработил познатиот слаткар Кори Полман.
Првата била во форма на женско торзо во розов костим за капење, со натпис „Мјау“. Втората била украсена со разнобојни драгоцени камења и изгледала како вистинско уметничко дело.
Третата торта била розова, со натпис „Среќен роденден, Кити Кајли“ и фигурички на мачки со роденденски капи.
Секако, на прославата имало место и за една мала принцеза. Осумгодишната ќерка на Кајли, Сторми, исто така присуствувала на забавата, а дури и ѝ помогнала на мајка си да ги изгасне свеќичките.
На својот личен профил, Кајли сподели фотографии од роденденот и напиша:
„Среќен роденден. Имав совршена ноќ со принцезата Кити. Срцето ми е полно. Го сакам својот живот и своите пријатели.“
ФОТО: Принтскрин Инстаграм
