Познатата пејачка Александра Пријовиќ – Прија уште еднаш покажа дека не штеди кога станува збор за модата, особено за најлудата ноќ во годината. За новогодишниот дочек на 31 декември, на двата свои настапи – во Загреб и во Белград – таа избра екстравагантни аутфити кои веднаш привлечоа внимание и предизвикаа лавина коментари на социјалните мрежи.
Прија, која важи за една од најстилизираните пејачки на естрадата, за својот настап на саемот во Загреб одбра фустан со зебра-дезен од модната куќа „Скјапарели“ вреден 7.100 евра, со чизми од истиот бренд по 3.300 евра и впечатливи обетки по 800 евра.
Поврзани објави
Потоа, на забавата во Сава центарот во Белград, таа заблеска во златна тоалета од истиот луксузен бренд, чии детали чинеле 7.300 евра, надополнети со сандали по 2.100 евра и обетки од 800 евра, што ја направи вистинска атракција на вечерта.
Интересно е што истиот златен фустан неодамна ја носеше и една од најголемите супермодели на светот – Жизел Бундшен – на новогодишна забава, што уште повеќе го зголеми интересот на јавноста кон модниот избор на Прија.
Во вкупниот трошок за модните комбинации што ги носеше на двете новогодишни забави, Прија потрошила дури 21.400 евра на луксузни аутфити и аксесоари, што покажува колку значење ѝ придава на изгледот кога настапува пред публика.
Овој стилски избор не е изненадување ако се знае дека пејачката по едногодишна пауза се врати на сцена со полн сјај, и тоа не само со својот глас, туку и со модната изразитост што секогаш знае како да остави впечаток.
Фото: Инстаграм
