Николај Младенов, директорот на Одборот за мир, иницијатива на американскиот претседател Доналд Трамп, денеска апелира до учесниците во регионот да „прокажат воздржаност и да го почитуваат примирјето“. Ова доаѓа по избивањето на конфликти и пријавувањето на човечки жртви во близина на граничниот премин Рафа, пред неговото планирано отворање.
„Длабоко сум загрижен поради настаните што се случија во петокот“, изјави Младенов во објава на социјалната мрежа Х. Тој дополни дека вооружени припадници на палестинското милитантно движење Хамас излегувале од тунели во Рафа, а израелските напади, за жал, однеле и цивилни животи.
Младенов наведе дека неговата канцеларија соработува со Националниот комитет за управување со Газа со цел да се „идентификуваат начини за спречување на идни случувања“.
„За постигнување на ова ќе биде неопходна целосна поддршка од сите инволвирани страни“, подвлече Младенов. Тој истакна дека ваквите прекршувања претставуваат опасност за тешко стекнатиот напредок, предвиден со Резолуцијата 2803 на Советот за безбедност на ОН и мировниот план на Трамп од 20 точки.
Според информациите на „Ал Џезира“, вчерашни израелски напади врз јужните и централните делови на Газа резултирале со смртта на над 30 лица, меѓу кои имало и деца.
