Не се преслатки, а толку се вкусни што веднаш ќе ги снема! – Убавина и здравје

Кремливи, лесни и полни со освежителни вкусови – идеални се за секоја летна веселба

Летото е вистинското време за лесни, освежителни десерти што воодушевуваат со вкусот. Ако барате летни, кремливи торти кои брзо се приготвуваат и не се печат, на вистинското место сте. Во продолжение ви предлагаме три совршени кремливи торти, идеални за жешките денови – богатата текстура, овошните вкусови и тоа што не се печат ги прават вистинскиот избор за секоја пригода.

Овошна торта со крем од јогурт

Состојки:

• 300 г мелени бисквити
• 120 г стопен путер
• 500 мл грчки јогурт
• 250 мл слатка павлака
• 150 г шеќер во прав
• 1 желатин (10 г)
• 300 г мешано овошје (јагоди, малини, боровинки)

Приготвување:

1. Измешајте ги мелените бисквити и стопениот путер, па втиснете ги во калап и оставете  ги да се стегнат во фрижидер.

2. Изматете јогурт, шеќер и павлака. Растопете го желатинот според упатствата и додајте го во кремот.

3. Ставете половина од овошјето во кремот, измешајте, па сипете го преку кората.

4. Декорирајте со преостанатото овошје и оставете ја тортата во фрижидер барем 4 часа.

Торта со лимон, бело чоколадо и маскарпоне

Состојки:

• 200 г мелени бисквити
• 100 г путер
• 200 г бело чоколадо
• 250 г маскарпоне
• 200 мл слатка павлака
• сок и кора од 2 лимона
• 1 желатин

Приготвување:

1. Направете кора од бисквити и путер, втиснете ја во калап и ставете ја да се лади.

2. Стопете го чоколадото и оставете го да се олади. Изматете павлака, маскарпоне, лимонов сок и кора.

3. Додајте ги стопеното чоколадо и желатинот, соединете убаво и сипете го врз кората.

4. Ставете го да се лади 4 часа пред да го послужите колачот. Украсете со лимон и ливчиња нане.

Тропска торта со кокос и манго

Состојки:

• 1 кора од бисквити
• 400 мл кокосово млеко
• 200 мл слатка павлака
• 250 г маскарпоне
• 1 манго, сечкано на коцки
• 3 лажици шеќер
• 1 желатин

Приготвување:

1. Изматете павлака, маскарпоне и шеќер.

2. Додајте кокосово млеко и претходно подготвен желатин.

3. Додајте го мангото во кремот и сето тоа убаво промешајте го.

4. Прелејте ја смесата преку кората, украсете со манго и кокос и ставете ја да се лади.

ФОТО: Unsplash