Александар Динев им ги претстави најпознатите македонски солени и слатки задоволства на инфлуенсери од целиот свет
Александар Динев штотуку се врати од Белгија, каде што присуствуваше на самит за креатори на содржини во Европскиот парламент. На овој настан присуствуваа бројни инфлуенсери од различни земји ширум светот, па нашиот инфлуенсер ја искористи можноста за да оствари контакти и да направи интересни објави.
Така, во две видеа Динев предизвика странски инфлуенсери да дегустираат некои од најпознатите македонски грицки и да им дадат оценка. Меѓу грицките, секако се најдоа и колачињата од неговиот бренд Dinev Snacks.
Меѓу солените и слатките закуски што ги испробуваат се најдоа најпознатите смоки „Стоби Флипс“, слатките топчиња „Чоко Стоби Флипс“, во нивната класична чоколадна, но и во нивната нова варијанта со вкус на ф’стак. Ги дегустираа и смоките со вкус на хот дог „Клипси“, како и познатите прстени „Пица Италијана“.
Поврзани објави
Генерално, инфлуенсерите ги оценија смоките „Стоби флипс“ како блантави, ги пофалија колачињата на Динев, а најмногу се воодушевија од чоколадните топчиња „Чоко Стоби Флипс“.
Погледнете ги нивните реакции во видеата во продолжение.
Што мислите вие? Кои се вашите омилени македонски грицки?
ФОТО: ИНСТАГРАМ