Младата месечина во терезија на 10 октомври нуди можност за поставување нови намери и визии
Секоја млада месечина има циклус од околу шест месеци, па ако сакате до март/април следната година да тргнете по сосема поинаков пат, тоа е возможно – доколку токму сега ги поставите темелите.
Имено, младата месечина во терезија оваа година се случува на 10 октомври, односно под таканаречената 10/10 порта, што го прави овој период особено поволен за поставување намери и креирање визија за иднината. Таа претставува и моќна порта за остварување на желбите.
Како најдобро да ја искористите младата месечина во терезија?
Иако често слушаме дека треба да живееме во сегашниот момент, оваа млада месечина ни нуди поинаква перспектива – нè повикува да направиме чекор напред и да преземеме одговорност за животот што сакаме да го живееме.
Тоа не значи дека треба да ги имаме сите одговори или однапред да го знаеме целиот свој пат. Но кога ќе создадеме визија и ќе го направиме првиот чекор, нашите постапки можат да бидат дополнително поттикнати од енергијата на оваа октомвриска млада месечина.
Ритуал за визуализација за време на младата месечина во терезија – 10.10.
Ви треба:
- големо платно или лист хартија за постер
- прибор за цртање и декорирање по избор (бои, маркери, налепници…)
- списанија, исечоци, инспиративни фотографии и слично
- свеќа
Како се изведува ритуалот?
Поврзани објави
1. Запалете ја свеќата и ставете ги сите материјали за вашата табла за визуализација пред себе. Потоа прочистете ја вашата аура со дишење или медитација. Можете да си подготвите и топла, релаксирачка бања, во која ќе додадете морска сол. Додека ја прочистувате аурата, можете слободно да ги изговарате следните зборови:
„Просторот во моето срце е исполнет и отворен. Се ослободувам од сите блокади што веќе не можам да ги носам. Му се препуштам на текот на мојот живот и ја поздравувам енергијата на убавината, мирот, здравјето и љубовта. Верувам во патот по кој одам и знам дека секогаш ме води мојата внатрешна божественост. Прочистена сум. Јас сум светлина. Јас сум слободна. Само добрина ме опкружува.“
2. Седнете и затворете ги очите.
Ставете ја раката на срцето и длабоко вдишете пет пати. Замислете каде сакате да бидете за шест месеци. Визуализирајте го вашиот совршен ден или совршената ситуација што се одвива пред вас. Фокусирајте се на тоа како сакате да се чувствувате, што сакате да гледате и со какви луѓе сакате да бидете опкружени. Замислете го вашиот идеален ден или недела, додека се гледате себеси шест месеци од сега.
3. Откако во мислите ќе ја создадете својата визија, земете ги материјалите за визуализација и фатете се за работа.
Сечете, креирајте, лепете, сликајте, цртајте, пишувајте – правете што и да ве инспирира во моментот. Слободно пуштете музика ако ви помага полесно да се препуштите на креативниот процес. Создадете го она што ве повикува. Можете да бидете колку што сакате конкретни, но и целосно апстрактни.
4. Кога ќе завршите, на задната страна од вашата визуализација запишете 3 до 5 практични чекори.
Тие чекори треба целосно да зависат од вас и да бидат нешто што можете да го направите во текот на следната недела или во малку подолг период, за да ѝ помогнете на вашата визија да стане реалност. Чувајте ја таблата на место каде што ќе можете да ја гледате секој ден. Потоа, за време на полната месечина во терезија, на 22 март 2027 година, проверете дали вашите визии почнале да се остваруваат.
5. Изгаснете ја свеќата за да го завршите ритуалот.
