Српската премиерка Ана Брнабиќ вечерва ќе се сретне со министрите од СНС, јавуваат белградските медиуми.
Средбата ќе следи по денешниот говор на претседателот на Србија, Александар Вучиќ, кој на самитот на СНС изјави дека е подготвен за избори и дека нема да се согласи на уцени од политичките партии или од Западот.
„Подобро е да се приклучиме на опозицијата, отколку партиски и приватни интереси да ја водат државата. Подготвен сум да одам на избори како кандидат за премиер, но нема да попуштам на уцени – ни од Запад, ни од СПС, ни од лажни десничари“, изјави Вучиќ, пренесуваат белградските медиуми.
Навестувањето за целосна промена на актуелната политичка панорама во земјата дојде за време на сумирањето на неодамнешната седница на Националното собрание посветена на Косово и Метохија, шефот на државата и лидер на најсилната политичка опција во Србија изјави дека СНС беше сама во одбрана на државните интереси и дека го имаше народот со себе
