Table of Contents
Постојат 3 клучни симптоми кои најавуваат срцев удар и никако не треба да се игнорираат
Мозочните и срцевите удари и понатаму се водечка причина за смрт во Македонија, а кардиолозите објаснуваат зошто временските промени претставуваат дополнителен ризик и на што треба да обрнеме внимание.
Поврзаноста меѓу срцевиот удар и пиењето вода
Околу 46 отсто од македонските жители имаат покачен притисок, а 47 отсто имаат покачени маснотии. Ако тие два фактора се поклопат, ризикот од срцев и мозочен удар значително расте. А најголемиот проблем е тоа што повеќето луѓе не пијат доволно вода.
Според истражувањата, дури 80 отсто од луѓето не внесуваат доволно течности. На организмот му треба вода за да не се создаваат згрутчувања. Повозрасните не пијат вода, а притоа многу ја посолуваат храната. Тоа е погубна комбинација, нагласуваат кардиолозите.
Како времето го менува нашето тело?
Промената од 35 на 18 степени влијае врз јонската концентрација и влагата во воздухот, а тоа може особено да ги погоди лицата со анемија или покачен притисок.
Поврзани објави
„Пред невреме, воздухот се полни со позитивни јони, тоа се тешки и непријатни јони. Животните бегаат, а и луѓето чувствуваат непријатности. Затоа, важно е со храната да ги снижиме притисокот и маснотиите, за да може организмот да ги поднесе таквите ненадејни промени“, објаснуваат докторите.
Симптоми на инфаркт што не смееме да ги игнорираме
Најмногу срцеви и мозочни удари се случуваат во раните утрински часови. Кај некои луѓе нема симптоми – секој четврти човек со проблеми со срцето не чувствува никакви предупредувања. Кај други, срцевиот удар го претскажуваат следниве сигнали:
- болка во левото рамо која се спушта низ раката
- болка во вилицата или стомакот
- ненадејна слабост или вртоглавица
„Веднаш одете на лекар, нема чекање. Ако ви се случи тоа во автомобил, застанете и викнете помош. Правилната исхрана, редовните прошетки, длабокото дишење и добрата хидратација се основата за превенција“, порачуваат кардиолозите.
Срцето ја памети секоја наша навика – и добра и лоша. Затоа, водата, храната, мирот и редовните прегледи не се луксуз, туку спас.
