Уживајте во овој едноставен рецепт за вечера без месо
Ако барате брз, вкусен и практичен оброк без месо, ова едноставно јадење од тавче е одличен избор. Комбинацијата на компир, свеж зеленчук и јајца претставува оброк што заситува, а самата подготовка трае неколку минути.
Овој рецепт е одличен избор кога сакате да приготвите нешто поинакво, а едноставно. Зеленчукот му дава сочност и богат вкус на јадењето, додека компирот и јајцата ќе го заситат целото семејство.
Состојки:
Поврзани објави
- 2 големи компира
- масло
- 1 кромид
- 1 пиперка
- сол
- 3 домати со средна големина
- 4 јајца
- мирудија
Приготвување:
Измијте го зеленчукот и исечкајте го на коцки. Најпрво, на масло испржете го компирот, па префрлете го на чинија и во истото масло испржете ги кромидот и пиперката. По некое време, додајте го и доматот. Посолете и промешајте.
Кога доматот ќе се искрчка, вратете го компирот во тавчето, промешајте, па направете 4 вдлабнатини во кои ќе ги скршите јајцата. Поклопете го тавчето и крчкајте 3-5 минути додека јајцата бидат готови. Посипете со мирудија и послужете.
