Ким Кардашијан и понатаму е на тронот како кралица на сензуалните изданија
Во светот на модата, постојат малку личности кои можат да предизвикаат глобална сензација како Ким Кардашијан. Нејзиното влијание ги надминува границите на ријалити телевизијата, а секое нејзино јавно појавување внимателно се анализира и копира. Позирајќи во исклучително смела и драматична креација на дизајнерската куќа „Муглер“, Ким покажала дека само таа може да износи ваква креација и да изгледа совршено.
Фотографиите што ги споделила на Инстаграм, со коментарот „Муглер магија“, ја откриваат нејзината непоколеблива посветеност кон модата и совршената става на песочен часовник, која стана нејзин заштитен знак.
„Муглер“ како круна на нејзината титула „кралица на сензуалноста“
Поврзани објави
Комплетот, кој потсетува на уметничкото дело, се состои од боди со сложени детали кои ја следат линијата на нејзиното тело, искомбинирано со соодветни хулахопки. Нејзиниот струк, кој со години е предмет на восхит, е истакнат до екстрема, создавајќи фигура каква што само таа може да постигне.
Оваа модна комбинација предизвикала голем број на коментари, вклучувајќи ги и оние на познати личности, како Кејти Пери, која го оценила изгледот на Ким со „десет од десет“. Иако облеката е инспирирана од архивското парче на овој легендарен дизајнер, Ким успеала да го направи потполно свое, што го докажуваат и фотографиите од собата за проба, каде што тим од експерти го приспособуваат секој детаљ на нејзината беспрекорна фигура.
Нејзината љубов кон корсетите е преголема
Вештината на Ким да носи смели изданија не е новост. Низ годините таа ја има покажано својата голема љубов кон корсетите и екстремно тесните силуети, што беше особено воочливо на Мет Галата во 2024 година, кога се појави во металик сребрен фустан со корсет кој бил толку стегнат што и самата признала дека имала потешкотии со дишењето. Сепак, нејзината волја да се жртвува за модата, како и нејзината непоколеблива самодоверба, прават дури и најконтроверзните парчиња да изгледаат врвно на неа.
ФОТО: Инстаграм
