Table of Contents
Поп-ѕвездата Емина Јаховиќ станала жртва на дрска измама во Истанбул, откако останала без луксузната гардероба, чантите и обувките во вредност од повеќе од 50.000 евра. Најболно, како што самата признава, не ѝ било тоа што ги изгубила скапите работи, туку што пропаднала нејзината намера преку нивната продажба да помогне во хуманитарни цели.
Според информациите објавени од српските медиуми, Јаховиќ сакала да продаде голем дел од својата брендирана гардероба, од која многу парчиња биле облечени само еднаш, а некои никогаш. Средствата што ќе ги добиела од продажбата планирала да ги донира на луѓе на кои им е најпотребна помош.
Луксузна гардероба од најпознатите светски модни куќи
Емина со години важеше за една од најдобро облечените пејачки на балканската сцена. Во нејзиниот гардеробер се нашле облека, чанти и чевли од најпознатите светски модни брендови, купувани во период кога модата и шопингот биле нејзина голема страст.
Со текот на времето, по разводот од Мустафа Сандал и промената на животните приоритети, таа повеќе почнала да инвестира во музика и недвижности, а огромен дел од гардеробата повеќе не го користела.
При една преселба решила на тие модни парчиња да им даде „втор живот“ – да ги продаде, а добиените средства да ги насочи во хуманитарни цели.
Измамничка од Црна Гора ја добила нејзината доверба
Според наводите, по препорака, Емина стапила во контакт со девојка од Црна Гора која се претставувала како посредник за продажба на луксузна половна гардероба.
Девојката дошла во Истанбул, го претставила својот профил на Инстаграм и детално објаснила како функционира целиот процес на продажба. Убедена дека станува збор за професионална соработка, Јаховиќ ѝ ги предала сите подготвени чанти, обувки и брендирана облека.
Но, наместо продажба, следувал шок.
Набргу откако ги презела работите, жената ја блокирала Емина на сите социјални мрежи и исчезнала без трага. Пејачката останала и без луксузните предмети и без парите што требало да бидат донирани.
„Најмногу ме боли што сакав да направам добро дело“
Веста ја потврдила и самата Емина Јаховиќ, која открила дека девојката ја препорачала нејзината стилистка од Истанбул.
Таа девојка ја донесе мојата стилистка од Истанбул. Сите мислевме дека е коректна и дека ќе ја заврши работата како што треба. Имаше профил на Инстаграм и се занимаваше со продажба на вакви работи. Нашата идеја беше средствата да завршат во хуманитарни цели, но на крајот сето тоа се покажа како измама“, изјавила Јаховиќ.
Таа додава дека не жали за материјалните работи, туку за изгубената можност да помогне некому.
Не ми беше тешко затоа што тие работи ги немам. И онака требаше да заминат. Најмногу ме погоди тоа што мислев дека ќе направам добро дело, а сè заврши со измама. Многу сум носталгична. Живеам во странство и кога ќе сретнам луѓе од нашите простори, секогаш мислам дека нема подобри луѓе и дека никогаш не би направиле нешто лошо“, изјавила пејачката.
Нејзината исповед предизвика бројни реакции на социјалните мрежи, каде многумина изразија сочувство, но и предупредија дека измамите преку интернет и социјалните мрежи стануваат сè почести, без разлика на тоа дали жртвите се обични граѓани или познати личности.
Фото: Инстаграм
