Николија Јовановиќ повторно успеа да привлече огромно внимание со својот изглед, а овој пат нејзината трансформација предизвика вистинска лавина од реакции на социјалните мрежи. Една од најатрактивните пејачки на српската сцена со години важи за вистински моден експериментатор, а нејзиниот стил често е чекор пред актуелните трендови.
Нејзината љубов кон модерниот и поинаков изглед воопшто не изненадува, особено ако се земе предвид дека Николија со години живееше и студираше во странство, каде што имаше можност да се запознае со различни светски трендови.
Овој пат, ќерката на Весна Змијанац се појави со значително пократка фризура и уште еднаш покажа дека нема страв од промени. Николија е позната по тоа што често експериментира со својот изглед и не се оптоварува премногу со мислењата на другите, па така и овојпат самоуверено застана пред објективот.
Фотографиите веднаш предизвикаа поделени реакции. Додека едни ја пофалија нејзината смелост и сметаат дека кратката коса одлично ѝ прилега, други отидоа чекор подалеку и ја споредија со легендарната Мица Трофртаљка.
Не е познато за која прилика или кампања се направени фотографиите, но едно е сигурно – Николија уживаше во позирањето и очигледно беше повеќе од задоволна од конечниот резултат.
Како и секогаш, таа успеа да направи нешто што не поминува незабележано, а нејзиниот нов имиџ повторно стана тема за разговор.
