Пред да стекне слава и богатство благодарение на бракот со Канје Вест, таа била во здрава љубовна врска со австралиски бизнисмен
Семејството на Австралијката Бјанка Цензори потврди дека ги прекинало сите контакти со неа откако се појавила потполно гола на доделувањето „греми“, заедно со сопругот Канје Вест.
Но пред да стекне слава и богатство благодарение на бракот со Канје Вест, Цензори била во здрава љубовна врска со бизнисменот Ник Форџоне.
Тој ѝ бил првата љубов на Бјанка Цензори, а првпат се сретнале во 2007 година во Ајванхо кога имале само 14 години.
Нејзините пријатели велат дека Бјанка секогаш била многу популарна меѓу момците. Започнала врска со Ник во 2014 година кога имале 21 година. Останале заедно 6 години.
На крајот се разделиле и секој тргнал по свој пат во март 2020 година.
„Бјанка отсекогаш беше поголема од Мелбурн и двајцата го знаевме тоа. Еднаш бевме во Америка и ми кажа дека еден ден ќе живее таму“, открил тој за нивната разделба.
Поврзани објави
Bianca with her X boyfriend Nick Forgiane before Kanye came into the picture.. She was dressing decently pic.twitter.com/IGBbiyqSFB
— The Instigator (@Am_Blujay) March 20, 2024
А сега, кога медиумите прашале член на семејството на Бјанка дали Ник Форџоне се шокирал од контроверзната постапка на неговата поранешна девојка на црвениот килим, тој кажал:
„Тој нема што да каже, нема разговарано со неа и ние немаме веќе ништо со неа.“
Сепак, сè до годинешните „греми“ награди, поранешните љубовници продолжиле да си бидат поддршка еден на друг. Форџоне претходно открил дека преселбата на Бјанка во странство не била причината за нивното раскинување.
„Девојката е исклучително талентирана и реши да го следи својот сон да стане позната архитектка, што и го оствари. Секако дека ги поддржувам. Ако Бјанка е среќна со Канје, јас сум среќен за неа“, рекол тој.
„Таа отсекогаш ги поддржувала моите врски. Им посакувам сè најдобро и се надевам дека станува збор за модерна љубовна приказна.“
ФОТО: Инстаграм, Х
