Актерката воодушеви во црниот „трик фустан“ кој дискретно го прикрива стомачето и истовремено го нагласува струкот. Дознајте зошто овој вечерен модел е вистински моден трик за секоја пригода.
Џенифер Анистон заблеска на њујоршката премиера на четвртата сезона од серијата The Morning Show, одржана во Музејот на современа уметност, во долг црн фустан без прерамки, кој зрачеше со својата елеганција. На прв поглед едноставен, овој фустан крие модна тајна – благодарение на внимателно поставените фалти и драпирањето, совршено ја следи линијата на телото, го нагласува струкот и воедно дискретно ги прикрива недостатоците околу стомакот.
Токму затоа модните критичари овој модел го нарекуваат „трик-фустан“ – бидејќи за миг го истакнува најубавото, а ги сокрива ситните несовршености.
Анистон ја истакна својата затегната фигура со отворено деколте и откриени раце и раменици, додека впечатливите волани во пределот на градите и стомакот дополнително ѝ ја обликуваа силуетата. Продолжениот крој и вишокот материјал на долниот дел создадоа мек и свечен пад при движењето, што дава доза на лесен гламур.
Поврзани објави
Минималистичкиот пристап се забележа и во изборот на накит – актерката носеше само тенка златна алка, додека шминката му остана верна на нејзиниот препознатлив „soft glam“ стил: дискретно нагласени очи во студени нијанси, неутрални усни и свеж тен. Косата ѝ беше права, со патец на средина и суптилен волумен на врвовите.
Овој стајлинг уште еднаш потврдува зошто црниот вечерен фустан со стратешки набори е безвременски избор – бидејќи не само што е во согласност со трендовите туку и ласкаво ја обликува фигурата и ѝ дава самодоверба на секоја жена.
Фото: Инстаграм
