Пејачката сподели моменти од одморот покрај вода, но покрај нејзиното летно издание, вниманието го привлекоа и двете наследнички.
Наташа Малинкова деновиве ужива во летниот одмор во друштво на семејството, а дел од атмосферата ја сподели и со своите следбеници на социјалните мрежи. Пејачката позираше во црн едноделен костим за капење, со очила за сонце и лежерен летен изглед, додека уживаше покрај базенот и на вода. Фотографиите покажаа дека одморот е резервиран за релаксација, но и за семејни моменти.
Со неа се сопругот Кире и нивните две ќерки, Султана и Емилија. Оваа година за Наташа и Кире има и посебно значење, бидејќи одбележуваат 24 години заеднички живот. Нивната љубовна приказна започнала во Кавадарци, каде што се запознале додека Наташа настапувала во ноќен клуб како диџеј и пејачка со групата „Багаж“. Врската брзо станала сериозна, а подоцна го изградиле семејството кое денес го имаат.
Поврзани објави
Пејачката во минатото има раскажувано дека со сопругот секогаш имала меѓусебна поддршка, вклучително и кога станува збор за нејзиниот јавен настап и фотографиите што ги објавува. Во семејната приказна посебно место имаат и ќерките – постарата Султана веќе е возрасна и активна на социјалните мрежи, каде што споделува содржини од своето секојдневие и патувањата.
Така, летните фотографии на Малинкова не се само уште едно празнично издание, туку и мал поглед во нејзиниот семеен живот. Од долгогодишниот брак со Кире, до двете ќерки кои пораснаа пред очите на јавноста, пејачката покажува дека зад сцената и музичката кариера стои семејство кое за неа останува најважно.
Screenshot Instagram
