Вежбањето треба да ве прави среќни и да ве исполнува со енергија. Додека вежбате, во телото се ослободуваат ендорфини, кои ви го подобруваат расположението.
,,Убавина и здравје” заради афирмирање на вежбањето и здравиот начин на живот секој петок објавува серијал на презентација на вежби.
Убаво обликуваните раменици привлекуваат внимание кај секој .
За зголемување на мускулната маса на рамењата потребно е оптеретување односно тегови со одредена килажа која со текот на времето треба да се зголемува со цел мускулот во рамото да расте.
Пред да се започне со вежбање на оваа мускулна група важно е да се знае дека рамењата треба добро да се загреат и да не се оптеретат наеднаш со големи килажи да не дојде до повреда. Во продолжение погледнете ги најдобрите вежби за идеално обликувани раменици кои за читателите на „Убавина и здравје“ ги подготви познатиот фитнес тренер со долгогодишно искуство – Димитар Станишевски.
SEATED DUMBBEL PRESS-Оваа вежба во седечка положба на клупа е замена за вежбата во стоечка положба и истата ги развива рамномерно двете рамења и не го оптеретува долниот дел од телото а така можете да се фокусирате само на рамењата.
За почетници :
Повторете ја оваа вежба во 3 серии со по 6 до 8 повторувања.
SINGLE ARM DUMBBEL FRONT RAISE-Подигање на тегови со една рака наизменично во седечка положба за почетници .
Седнуваме на клупата,ги собираме лопатките на грбот,благо ги свиткуваме лактите на рацете и наизменично ги подигаме теговите една по друга рака .
Паузираме на врвот за момент а потоа го спуштаме тегот надолу .
За почетници: 3 серии по 6 до 8 повторувања.
DUMBBEL LATERAL RAISE
Раширете ги нозете во висина на колковите и земете ги теговите во рацете.
Исправете се и благо свиткајте се во колената.
Повлечете ги рамењата и спојте ги лопатките во грбот.
Свиткајте ги рацете во лактовите додека движете покрај телото а дланките насочете ги кон колковите.
Подогнете ги рацете во страна со контролирани движења се до висина на рамењата или малку над нив.
Кога ќе дојдете во горна положба можете да се обидете да задржите дел од секундата .
Вежбата повторете ја во 3 серии од по 8 до 10 повторувања.
SINGLE ARM LATERAL RAISE-Поставете се под нагиб со едната рака .
Со другата рака со помала тежина направете контролирано движење поставувајќи го лактот малку подвиткан.
Во горната положба задржете една секунда потоа полека вратете во почетна положба и направете ги потребните повторувања а потоа истото направете го со другата рака во 3 серии од по 8 до 10 повторувања.
REAR DELT ROW
Поврзани објави
Поставете ги нозете во видина на рамењата.
Подклекнете во колената.
Држете ги теговите под рамењата.
Полека кревајте ги теговите додека не се над вашата глава во Y облик.
Додека го изведувате ова движење заглавете го јадрото и повлечете ги лопатките на рамената напред
По кратка пауза, вратете ги теговите на почетната позиција.
Повторете ја вежбата во 3 серии од по 6 до 8 повторувања.
Подготвил: Татјана Пуленџовска
Фитнес тренер: Димитар Станишевски
Фото и Видео: Приватна архива
