Модерен и минималистички уреден простор на Дорќол, каде водителот живее со сопругата Мина и нивните две деца
Популарниот водител Огњен Амиџиќ свил семејно гнездо во луксузен стан на Дорќол, каде живее со сопругата Мина и нивните две деца. Домот е уреден во модерен, минималистички стил, со внимателно избрани детали кои внесуваат топлина и елеганција во просторот.
Во целиот стан доминираат неутрални, земјени тонови и дискретно осветлување кое создава пријатна атмосфера.
Дневната соба и трпезаријата се уредени во беж нијанси, со масивни дрвени парчиња мебел, додека високите тавани со греди дополнително ја нагласуваат пространоста.
Поврзани објави
Посебно внимание привлекува гардероберот, каков што можат да си дозволат светските ѕвезди. Изработен од потемно дрво и стакло, со посебен дел за накит и модни додатоци, овој простор изобилува со место и функционалност – вистински сон за секоја жена.
Ниту спалната соба не заостанува зад остатокот од ентериерот. Според фотографиите што Мина ги споделува на социјалните мрежи, спалната и бањата се одделени со стаклена врата, а во елегантната бања има голема када наместо туш-кабина.
Потсетуваме, парот неодамна по вторпат стана родители, кога на свет дојде ќерката Лола.
