Кафето е еден од најомилените утрински ритуали, но и со него важи правилото дека премногу од нешто добро може да предизвика проблеми. Количината на кофеин што ја поднесува организмот не е иста кај сите луѓе, а прекумерното консумирање може да предизвика низа непријатни симптоми.
За повеќето здрави возрасни лица, до околу 400 милиграми кофеин дневно генерално се смета за количина која не би требало да предизвикува негативни ефекти. Сепак, јачината на кафето значително варира, па бројот на шолји не е секогаш најдобар показател.
Ако по неколку кафиња почувствувате забрзано чукање на срцето, нервоза, тресење на рацете, немир или главоболка, можно е да сте внеле повеќе кофеин отколку што ви одговара.
Други знаци на прекумерно консумирање можат да бидат:
несоница и тешко заспивање;
забрзан пулс или чувство на прескокнување на срцето;
желудечна киселина и мачнина;
раздразливост и анксиозност;
почесто мокрење;
немир и тешкотии со концентрацијата.
Внимателно со кафето навечер
Дури и ако не чувствувате непосредни последици, кофеинoт може значително да влијае врз квалитетот на сонот. Затоа, доколку имате проблеми со заспивањето, вреди да го ограничите кафето во попладневните и вечерните часови.
Исто така, не треба да се заборави дека кофеин има и во енергетските пијалаци, чајот, чоколадото и некои лекови, па вкупниот дневен внес може да биде поголем од очекуваното.
Екстремно голем внес на кофеин може да биде опасен и да предизвика сериозни нарушувања на срцевиот ритам, повраќање, конфузија или грчеви. Во такви ситуации потребна е итна медицинска помош.
