Интересот на нивната ќерка им е на прво место.
Ана Николиќ и Стефан Ѓуриќ Раста се смирија на прославата на шестиот роденден на ќерката Тара. Иако раперот ѝ бил многу лут на Ана поради нејзиното однесување, тој ѝ пружил рака за помирување под услов таа да оди на лекување, кое тој ќе го финансира.
Раста е згрозен од тоа што се пласира за Ана во јавноста, илјада пати ја опоменал да внимава што прави и изјавува пред камерите и како се однесува на јавните настани. Тој ѝ вели дека нивната ќерка еден ден ќе го види сето тоа. Затоа се обиде да се договори со неа, а таа му ветила дека ќе побара помош и дека ќе оди на лекување, а Раста за тоа време ќе се грижи за Тара.
Раперот е свесен за потенцијалот на неговата поранешна сопруга и сака да ѝ помогне да се врати на поп-сцената најсилна досега. Тој е подготвен повторно да ѝ ги напише најдобрите песни и да ѝ помогне да избие на површината со хитови како пред неколку години. Раста е сигурен дека таа може да го направи тоа повторно. Иако имаа бурна разделба, тој знае дека Ана е добра личност и дека низ животот не оди со глава туку со срце.
Знае колку Тара ја сака мајка си, колку се блиски и затоа сака да ја извлече најдобрата верзија од Ана. Раста се понуди да ги плати сите трошоци за лекувањето во најдобрата клиника, доколку е потребно, во Швајцарија, а сега на Ана е да ја прифати понудата или да ја одбие – изјавил за „Свет“ добро информиран извор.
Ана и Раста се смириле и сега повторно се во пријателски односи, а поради тоа најсреќна е Тара, која е многу врзана и за мајка си и за татко и, па тешко ѝ било што се во конфликт. Сепак, таа е центарот на нивниот свет и двајцата ќе дадат сѐ од себе нивната наследничка да порасне во хармонија и љубов.
Фото: Драган Гајиќ за „Свет“
