Авокадо тост со свежи домати и егзотично семе – Убавина и здравје

Ве покануваме да го пробате овој едноставен, а сепак исклучително вкусен рецепт што лесно ќе го вметнете во вашата дневна рутина.

Состојки (за 2 порции):

• 2 парчиња интегрално лепче (тост леб или интегрален)

• 1 зрело авокадо

• 6-7 чери домати, исечкани на половинки или четвртини

• 1 лажица ленено семе

• 1 лажица сусам

• 1 лажица чиа семе

• 1 лажичка лимонов сок

• Сол и бибер по вкус

• Неколку свежи листови босилек за декорација

• Малку маслиново масло (по желба)

Приготвување:

1. Испечете го лепчето во тостер или на тава за да стане крцкаво и со златна боја.

2. Авокадото извадете го од кората и изгмечете го со виљушка во чинија. Додајте лимонов сок, малку сол и бибер, па измешајте убаво.

3. Намачкајте го лепчето со измешканото авокадо рамномерно.

4. Наредете ги сечканите домати врз авокадото.

5. Посипете ги со ленено, сусам и чиа семе.

6. Ако сакате, капнете малку маслиново масло врз тостот.

7. Украсете со свеж босилек и послужете веднаш.

Совет плус:

За дополнителен вкус и текстура, може да додадете малку фета-сирење или парчиња печени бадеми. Исто така, лимоновиот сок ја одржува свежината на авокадото и го спречува потемнувањето.

Текст: Убавина и здравје

Фото: Lisa from Pexels