Денеска, од Москва и Вашингтон, соопштена е информација дека министрите за одбрана на Русија и САД, Сергеј Шојгу и Лојд Остин, имале телефонски разговор, откако руски авиони го пресретнаа американското беспилотно летало во Црното Море.
Руското Министерство за одбрана соопшти дека телефонскиот разговор е бил на иницијатива на американската страна, но не наведува дополнителни детали.
Американскиот државен секретар Лојд Остин на прес-конференција во Пентагон, изјавил е дека разговарал со својот руски колега за случајот со американското беспилотно летало во Црното Море.
Вчерашниот инцидент со дронот е различно толкуван од страна на Русија и САД. Руската војска соопшти дека пресретнале американско беспилотно летало, но не го погодиле и не го собориле, додека американската војска изјавува дека руски борбен авион го соборил американското беспилотно летало во Црното Море.
Секретарот на Советот за безбедност на Русија Николај Патрушев изјави дека Русија ќе се обиде да ги извади остатоците од американскиот воен дрон, додека портпаролот на Белата куќа Џон Кирби претходно изјави дека САД презема мерки да се осигура дека дронот не падне во непријателски раце.
