Центарот за управување со кризи известува дека од Контролата на летање денес е пријавен инцидент за вклучен аларм на авион кој има технички проблем.
„Откако контактиравме со Контролата на летање, првично не успеавме да утврдиме локација на авионот и претпоставувавме дека се работи за ‘пожарен авион’, еден од авионите на Дирекцијата за заштита и спасување. Центарот за управување со кризи ги извести Дирекцијата и тие беа на местото на инцидентот. Утврдено е дека се работи за нивен ‘пожарен авион’, кој јавил грешка во системот“, изјавија од Центарот за управување со кризи.
Дирекцијата за заштита и спасување направи рестарт на системот и ситуацијата се нормализираше без проблеми. Информацијата беше потврдена и од Контролата на летање“, додадоа од Центарот за управување со кризи.
