Исповедта на ќерката на Жизел Пелико открива ужасни детали за силувањето на нејзината мајка
Повеќе од 80 мажи на возраст од 26 до 73 години силувале жена која била длабоко комирана од лековите што сопругот скришум ѝ ги ставал во храната. Кога Жизел Пелико јавно истапи и ги призна сите гнасни злосторства што ѝ ги извршил нејзиниот сопруг, целиот свет се шокира.
Жизел, исто така, ги открила имињата и презимињата на оние што учествувале во овие монструозни дела, а нејзината ќерка, Каролин Дариан, во своите мемоари открила како изгледал нејзиниот живот со татко злоупотребувач и мајка која го трпела сето тоа.
Кога Каролин им раскажала на браќата за случајот, тие се присетиле на една вечера со родителите.
„Само неколку минути откако седна, мајка ми се нишаше на столчето како да е пијана. Одеднаш целото тело ѝ беше без енергија, како крпена кукла“, раскажале браќата.
Подоцна било откриено дека сопругот ѝ ставил коктел од дроги во чашата вино.
Кога децата дознале за сето ова, побрзале да ѝ помогнат на мајка им. Полицајците им објасниле дека нивниот татко самиот регрутирал десетина мажи преку Интернет, кои потоа ја силувале нивната мајка, додека тој не им побарал пари за тоа.
„Крајно перверзно. Татко ми, кој секогаш имаше проблеми со пари, не заработил од ова туку го правел од лично задоволство“, напишала Каролин.
Дрогата ја криел во гаража, во своите чевли, чорапи…
Полицијата открила дека тој не покажал ни малку жал за стореното дело.
„Сите фотографии се слични, само со различни мажи“, напишала Каролин, која на полицајците им кажала да му порачаат на татко ѝ дека никогаш нема да му прости што им го уништил животот.
Подоцна, Каролин се соочила со уште еден шок, откако полицијата ѝ се јавила и ѝ покажала уште фотографии. На нив била таа.
„Јас инаку имам лесен сон. Тоа значи дека и мене ме дрогирал. Јас бев другиот негов плен.“
По ова страшно сознание, мајката отишла да живее кај еден од своите синови, а Каролин доживеала нервен слом и поминала некое време на психијатрија. Во својата книга пишува дека мајка ѝ последен пат била силувана само две недели пред ова откритие.
