Селена Гомез во минатото често беше тема на дискусија кога станува збор за физичкиот изглед. Пејачката се соочи со грди коментари и обвинувања.
Пејачката Селена Гомез претрпе различни погрдни коментари за нејзиниот изглед. Таа сега ужива во љубовта со Бени Бланко, но не беше секогаш така. Селена се бореше со ужасни навреди поради нејзината тежина. Особено популарно стана видеото со коментарите од мажи кои ја навредуваат.
Гостувајќи во подкастот „On Purpose with Jay Shetty“, Селена откри и како се чувствува кога ги чита сите тие навреди, но додаде и дека се труди што помалку да чита такви коментари.
Како да е трудна“, „Како да носи пет деца“, „Од сите тие солзи се здебели“, се само дел од непромислените коментари.
@carlyturnersnarls Always the lowest currency if men with the loudest opinions #STFU #allmen ♬ original sound – carlyturnerSnarls
Поврзани објави
Никој не се грижи за изгледот на мажите. Се разбира, мојата тежина е голем фактор. Секој има што да каже и тоа навистина ме растажува. Можеби тажна не е вистинскиот збор, бидејќи не сум жртва, но мислам дека сум малку огорчена поради тоа. И се чувствувам виновна што го кажувам ова, но тоа е вистина”, рекла Селена.
Кога излезе во јавноста и рече дека поради автоимуната болест лупус земала лекови кои можат да предизвикаат промени во тежината, не ѝ помогна ни тоа.
Претпочитам да сум здрава и да се грижам за себе. Лековите ми се важни и верувам дека ми помагаат. Не сум модел и никогаш нема да бидам”, рече Селена.
На Селена ѝ беше дијагностициран лупус додека беше на врвот на својата слава, во раните дваесетти години, и тогаш се повлече од сцената. Таа имаше и трансплантација на бубрег, а донаторот беше нејзина другарка од детството.
Кога земам одредени лекови, задржувам вода во телото. Кога ќе престанам да ги земам, тежината ми се враќа во нормала. Така функционира. Никому не му должам објаснување, но сакам луѓето да сфатат колку е тешко”, искрена беше Селена.
Фото: TikTok
