Холивудската ѕвезда Леонардо ди Каприо стана деловен партнер со пејачот-текстописец Џејмс Блант.
Тие инвестирале во LOCI – британски бренд на вегански патики – откако нивната заедничка пријателка принцезата Јуџин ги убедила да ја поддржат компанијата.
Извор за весникот „Сан“ изјави:
„Јуџин со брендот ја запозна нејзината добра другарка Софија, сопругата на Џејмс. Заедно присуствуваа на настан за промоција на компанијата минатата година.Таа е поврзана со Лео преку некои нејзини холивудски пријатели и инспирираше да инвестира минатото лето.“
Јуџин, како што тврди изворот, им ги претставила патиките на принцот Хари и Меган, како и на другите еко-френдли членови на кралското семејство.
Веганските патики всушност станаа популарни кај неколку членови на кралското семејство.
Ди Каприо е добро познат по својот еколошки активизам. Во 2016 година глумеше во документарен филм „Пред потопот“, кој се фокусира на климатските промени.
