– Што друго треба да се случи за вие, кои имате глас, разум и срце и кои го сакате Косово, да се уверите дека замената на овој човек денес е национална должност – напиша тој на Фејсбук.
Според Харадинај, деградацијата на владата достигнала огромни размери, „и внатрешно и надворешно“.
– Сѐ додека толку владини функционери и луѓе блиски до власта и владејачката партија се вмешани во разни афери, нечуени на Косово, тогаш обвинувањата се насочени само на една адреса. Нивниот шеф и лидер е тој што ги вработи, премиерот на земјата и претседател на Самоопределување, Албин Курти – напиша Харадинај.
Тој нагласи дека решението за актуелната ситуација на Косово е изгласување недоверба на владата на Курти и распишување нови избори.
– Со оглед на тоа дека имаме работа со човек кој е болен за власт, неодговорен и бескрупулозен и кој не се откажува, задолжително е да се мобилизираат сите оние кои ја сакаат татковината и кои ги застапуваат интересите на државата и граѓаните, без партиски разлики. Свикувањето вонредна седница за распуштање на владата преку гласање недоверба е единственото решение за спас на државата и отворање на патот кон влада на национално единство и нови избори – порача Харадинај на Фејсбук.
.
