„Кажете дека ова е скриена камера“, „Срамота е на официјален профил на градоначалник да се објавуваат детски игри“, „Да се молиме да врне дожд, а недај боже да фати пожар“, вака звучат само дел од коментарите на видеото кое градоначалникот на Кавадарци, Митко Јанчев го објави на својата фејсбук страна.
„Секојдневни вежби на припадниците на ТППЕ Кавадарци. Нашите пожарникари континуирано се надоградуваат и се секогаш подготвени“, напиша Јанчев во објавата. Но, видеото е далеку од вежба што треба да ја направи пожарникар кој е подготвен за справување со пожар.
Наместо да се пофали локалната противпожарна единица, видеото почна вирално да се шири и стана предмет на потсмев и сеир, не само на официјална фејсбук страна на градоначалникот, туку и по социјалните мрежи.
Еве го целото видео:
.
