Џејкоб Елорди е на чекор до одлуката да ја запроси Кендал Џенер
Кендал Џенер е еден од најбараните супермодели на денешницата. Иако многу девојки ѝ се восхитуваат поради успехот и изгледот, има и такви што сметаат дека на Џенер сè ѝ било „послужено на тацна“, само затоа што ѝ е сестра на Ким Кардашијан и затоа што нејзината мајка е една од најуспешните менаџерки во Холивуд – Крис Џенер.
Додека многумина шпекулираат за тајната на нејзиниот успех, Кендал Џенер годишно заработува меѓу 40 и 60 милиони долари. Со ваквите импресивни приходи, таа им се придружи на своите славни сестри од кланот Кардашијан-Џенер, кои веќе со години го носат епитетот милионерки.
Но, постои една работа по која Кендал се разликува од своите познати сестри – љубовниот живот.
Сите нејзини сестри биле во брак или имале сериозни врски во кои добиле деца. Дури и нејзината најмлада сестра, Кајли Џенер, има две деца, кои ги родила на 20-годишна возраст. Единствено Кендал и понатаму успешно им одолева на семејните обврски, но тоа воопшто не ја спречува да ужива во љубовниот живот.
Со години се шпекулира дека причината поради која сè уште не се омажила и немала сериозна врска е тоа што е лезбијка. Таа, пак, од година во година ги демантира ваквите тврдења, истакнувајќи дека доколку навистина била геј, токму таа прва би го признала тоа. Инаку, нејзин родител е Кејтлин Џенер, која го променила полот.
Додека шпекулациите за неа не стивнуваат, деновиве Кендал Џенер ужива во врската со актерот Џејкоб Елорди.
„Совршен пар“, „Тој е вистинскиот“, „Никогаш не изгледала посреќно“ – гласат коментарите под нивните заеднички фотографии на интернет.
Се зборува дека со актерот ја запознала нејзината помлада сестра Кајли Џенер, која веќе со години е во врска со актерот Тимоти Шаламе. Се чини дека средбата била полн погодок, бидејќи Елорди и Џенер не се разделуваат уште од април годинава.
Пред да го запознае Џејкоб Елорди, Кендал имала многу момчиња. Се зборува дека преминувала од една врска во друга, во потрага по вистинскиот. Еве со кои познати мажи била поврзувана славната манекенка:
Хари Стајлс
Поврзани објави
По раскинувањето со Тејлор Свифт во 2013 година, Хари Стајлс во ноември бил забележан на првиот состанок со Кендал Џенер. „Тие се само пријатели“, изјавил тогаш извор за магазинот People. Двојката повремено била забележувана заедно сè до 2019 година, но многумина тврдат дека со години биле само добри пријатели.
A$AP Rocky
A$AP Rocky и Кендал Џенер долго време биле пријатели и никогаш не потврдиле дека меѓу нив имало нешто повеќе од тоа, но тоа не ги спречило обожавателите да шпекулираат. Првпат биле забележани заедно во Париз, во јуни 2016 година, додека се упатувале кон еден од омилените ресторани на Кендал Џенер – „L’Avenue“. Неколку месеци подоцна, во октомври, биле видени како заедно пристигнуваат во хотел во Лос Анџелес.
Во декември заминале на кратко патување во Мајами, на саемот за уметност „Art Basel“, каде што, според извор за магазинот People, изгледале „многу флертувачки расположени“. До март 2017 година, пријател на манекенката изјавил за истиот магазин дека Џенер „поминува повеќе време“ со раперот и дека е „отворена да види во кој правец ќе се развива нивниот однос“. Следниот месец му дала поддршка на A$AP за време на неговиот настап на фестивалот „Coachella“, а присутните забележале дека на забавата по настапот биле „многу блиски“ и „неразделни“.
Двојката изгледала особено блиска на познатата фотографија направена во тоалет за време на „Met Gala“ во мај 2017 година, но по тој настан сè поретко биле забележувани заедно. Подоцна Роки започнал врска со Ријана, со која денес има три деца.
Меѓу сите овие познати мажи, особено се издвојува списокот на НБА-кошаркари со кои Кендал била поврзувана. На него се наоѓаат Чендлер Парсонс во 2014 година, Џордан Кларксон во 2016 година, Блејк Грифин во периодот од 2017 до 2018 година, Бен Симонс од 2018 до 2019 година, Кајл Кузма во 2019 година и Девин Букер, со кого била во врска од 2020 до октомври 2022 година, иако подоцна имало шпекулации за повремени средби. На листата се споменува и Д’Анџело Расел, кој во одредени периоди беше поврзуван со манекенката.
Како и да е, се чини дека Кендал конечно го пронашла вистинскиот маж за себе. Луѓето што добро ја познаваат тврдат дека овој пат е најблиску до одлуката да застане пред олтар.
