Италијанскиот лекар Матео Басети предупредува на можните ризици од микроplastиката што може да навлезе во водата од пластичната амбалажа, особено кога шишињата се изложени на сонце и високи температури.
Пиењето вода од пластични шишиња, покрај негативното влијание врз животната средина, отвора и прашања за потенцијалните последици врз здравјето. На ова предупредува италијанскиот инфектолог Матео Басети, кој изнесува процена дека секоја недела внесуваме количество микропластика со тежина еднаква на една кредитна картичка.
Басети, лекар во болницата „Сан Мартино“ во Џенова, објаснува дека проблемот не мора да биде во самата вода. Според него, значителен дел од водата што се продава во пластични шишиња потекнува од водовод, а понекогаш дополнително се филтрира за да се подобри вкусот.
Загриженоста, вели тој, е поврзана со амбалажата и начинот на складирање. Водата во шишињата може да стои од една до пет години, а дел од нив се чуваат на отворено, изложени на сончева светлина и високи температури. Таквите услови можат да придонесат пластични честички да преминат во течноста.
Поврзани објави
Како може да влијае врз организмот?
Басети предупредува дека внесувањето микропластика може да биде поврзано со воспалителни процеси во организмот. Сепак, научните сознанија за долгорочните последици кај луѓето сè уште се истражуваат, па ризиците не треба да се претставуваат како целосно утврдени.
Неговиот совет е да не се користат пластични шишиња како секојдневен избор, особено во домашни услови. Кога е безбедно и достапно, препорачува пиење вода од чешма, како и избор на стаклена амбалажа наместо пластична.
Фото: pexels
