Виктор Живојиновиќ, помладиот син на пејачката Лепа Брена и поранешниот тенисер Слободан Боба Живојиновиќ, ужива во љубовната врска со Александра Гашиќ, со која сè почесто се појавува во јавноста. Двојката повторно привлече внимание, овојпат на една прослава, каде што не остана незабележана ниту нивната блискост, ниту модниот избор на Александра.
За оваа пригода Александра избрала краток фустан што ја истакнал нејзината фигура. Сепак, покрај нејзиниот изглед, вниманието го привлекле и нежностите што ги разменувала со Виктор.
Таа постојано го прегрнувала својот партнер, а нивното заедничко појавување уште еднаш покажало дека уживаат во врската и не ја кријат блискоста пред јавноста.
Виктор и Александра веќе извесно време живеат заедно во неговиот луксузен стан во Нов Белград, чија вредност, според медиумските процени, изнесува околу 700.000 евра.
Поврзани објави
Александра професионално се занимава со шминкање, а неодамна започнала и сопствен бизнис, односно лансирала линија костими за капење. Според претходните медиумски информации, во нејзиниот деловен потфат има поддршка и од семејството Живојиновиќ.
## Ја прифатиле и родителите на Виктор
Александра веќе поминала доста време и со родителите на својот партнер, Лепа Брена и Боба Живојиновиќ. Во текот на летото им се придружила и на заеднички семеен одмор на јахта.
Нивната врска привлекува внимание и на социјалните мрежи, каде што повремено објавуваат заеднички фотографии и споделуваат моменти од секојдневието.
