Српскиот пејач Ацо Пејовиќ се појави на црвениот тепих на еден настан во Белград, каде што разговараше со новинарите за колегите, музичките планови, но и за дружењата со чаша алкохол. Во разговор со екипата на порталот „24седам“, пејачот откри како се справува со мамурлакот по бурните ноќи и со кого најмногу сака да наздравува.
Пејовиќ најави и нови музички проекти, меѓу кои и дуетска песна со Мирза Селимовиќ, која наскоро треба да биде објавена.
Пејачот откри дека работата во студиото е во тек и дека пиењето не му пречи ниту пред ниту по концертите.
„Не ми пречи ако се пие и пред и по концертот. Во студио се работи на многу работи, а кога нешто ќе биде официјално, ќе дознаете. Се подготвува една песна, веќе е отпеана и станува збор за дует со Мирза Селимовиќ. Наскоро треба да излезе“, открил Ацо.
На прашањето дали би снимил уште една песна со својата кума Александра Прија, тој одговорил дека таква можност секогаш постои.
„Зошто да не? Ако се случи да има нова песна, секогаш сум за“, рекол пејачот.
Пејовиќ открил и со кој колега најмногу сака да се опушти со пијалак. Според него, Саша Матиќ е единствениот што може да му парира кога станува збор за пиењето.
„Најмногу сакам да пијам со Саша Матиќ. Тој најдобро се држи, може да ми парира. На Ѓани физичката конституција не му дозволува толку добро да се справува со алкохолот“, се пошегувал пејачот.
Тој нагласил дека добрата забава не зависи од тоа дали се пие алкохол, туку пред сè од друштвото.
„Можам убаво да си поминам и кога пијам и кога не пијам. Најважно е друштвото, односно со кого си. Ако друштвото е добро, забавата е загарантирана. Сакам да се напијам, не го кријам тоа. Шише вино, тоа е супер“, искрено признал Ацо.
Пејачот открил и како се справува со последиците од бурните ноќи. Наместо некои посебни методи или препарати, неговиот рецепт е едноставен – утринска прошетка.
„Мамурлакот го лекувам со утринска прошетка“, рекол Пејовиќ.
На настанот дошол без сопругата, а објаснил и зошто таа не му прави друштво кога има работни обврски.
„Дојдов сам, сопругата не оди со мене кога работам“, открил пејачот.
